បុរសស្រវឹងខួបចាប់រំលោភក្មេងស្រីអាយុ១៤ឆ្នាំ ត្រូវសមត្ថកិច្ចឃាត់ខ្លួន
28-December-2015 | ដោយ មួយឡា
កំពត៖ បុរសស្រវឹងខួបម្នាក់ត្រូវសមត្ថកិច្ចនគរបាលស្រុកជុំគិរីចាប់ខ្លួនកាលពីវេលាម៉ោង១០ព្រឹក ថ្ងៃទី២៧ ខែធ្នូ ឆ្នាំ២០១៥ នៅភូមិធ្លកយុល ឃុំស្រែសំរោង ស្រុកជុំគិរី ខេត្តកំពត បន្ទាប់ពីទទួលពាក្យបណ្ដឹងពីឪពុកម្តាយក្មេងស្រីរងគ្រោះថាបានចាប់រំលោភកូនស្រីគាត់រហូតបានសម្រេចកាលពីល្ងាចថ្ងៃទី២៦ ខែធ្នូ ឆ្នាំ២០១៥ ។
យោងតាមប្រភពព័ត៌មានពីសមត្ថកិច្ចនគរបាលស្រុកជុំគិរីបានឲ្យដឹងថាជនសង្ស័យដែលត្រូវចាប់ខ្លួនពីបទរំលោភសេពសន្ថវៈលើអនីតិជននេះ ជាមនុស្សស្រវឹងខួបមានឈ្មោះ សំ ហិល ភេទប្រុស អាយ៤៧ឆ្នាំរស់នៅភូមិឃុំជាមួយគ្នាចំណែកក្មេងស្រីរងគ្រោះទើបតែមានអាយុ១៤ឆ្នាំប៉ុណ្ណោះ ។
ប្រភពបានឲ្យដឹងទៀតថា កាលពីវេលាម៉ោងប្រហែល៤ល្ងាចថ្ងៃទី២៦ ខែធ្នូ ឆ្នាំ២០១៥ ជនសង្ស័យឆ្លៀតឱកាសចូលទៅចាប់រំលោភក្មេងស្រីរងគ្រោះរហូតបានសម្រេចខណៈឪពុកម្តាយ និងបងប្អូនក្មេងស្រីរងគ្រោះមិននៅផ្ទះ ។
ក្រោយពេលចាប់ខ្លួនជនសង្ស័យបានសារភាពថាខ្លួនពិតជាបានប្រព្រឹត្តដូចការចោទប្រកាន់មែនដោយសារស្រវឹងខ្លាំងពេក។ ជនសង្ស័យរូបនេះត្រូវបានសមត្ថកិច្ចបញ្ជូនទៅកាន់ស្នងការនគរបាលខេត្តកំពតដើម្បីកសាងសំណុំរឿងបញ្ជូនទៅសាលាលាដំបូងខេត្តកំពតចាត់វិធានការតាមនីតិវិធីច្បាប់ ៕ ដោយ មែន កំសត់
ចំនួនអ្នកទស្សនា
- ថ្ងៃនេះ401
- ម្សិលមិញ12561
- សប្តាហ៍នេះ28351
- ខែនេះ50231
- ឆ្នាំនេះ50231
- សរុប20492687